Rosy Gallace - POETËT JANË TË VARFËR (Shqipëroi Irma Kurti)
Moderator 
POETËT JANË TË VARFËR
Poetët janë të gjithë të varfër,
megjithatë, të pasur me ëndrra,
me fantazi, me emocione
që gati askush nuk i blen.
Poetët dhurojnë vite me fjalë,
i lënë ato pezull në hapësirë
ashtu si miliona meteorë
dhe kur në një natë me hënë
të plotë ndonjëra prej tyre bie,
zemra e poetit ndalet për
t’i dhuruar një ëndërr, një
dëshirë dikujt që s’ka mundur ta blejë.
Shqipëroi Irma Kurti
