Maria Grazia Vai - (poezi)
Moderator 
ANA TJETËR E DITËS
-në avullin e kafesë ëndrra del nga binarët-
është një ditë që na plak
por nuk kalon
dhe unë shndërrohem në shi
e në një tjetër formë
(... për të qenë agimi me qerpikë livande për ty ...)
HIJE TË UJIT TË ËMBËL
kthjellime të shkurtra dhe në mes orët:
dashuria që pas dimrit mbërrin.
- pas gjithë heshtjes sonë në agim -
që, asnjë ëndërr jetën mos e shqetësojë.
E mbrojtur nga një brinjë arre:
fle, rrëzë një shelgu – zemra
(Përktheu në shqip: Irma Kurti)
