Naxhije Doçi - Dy poezi

Moderator

Shkurt 28, 2024 - 16:21 Përditësuar: Shkurt 28, 2024 - 16:22

SHTËPITË-SHKOLLA NË KOSOVË

Në gjysmën e viti 1991

në Kosovën ngulfatur frymimit të lirë

segregacion i padëgjuar

dhe zymti trishtuese me tanke e egërsi

nga uniformistët serbë gri,

lokalet shkollore uzurpuar

për shqiptarët mollë e ndaluar.

Në errësira eklipsesh skllavërie

grishja e stinës me rreze dielli

qëndresë dhe shenjtëri.

Populli ndezur bujarish krenare

shtëpitë e veta,

ato qerdhe intime familjare

shkollë-zemre i bëri

për brezat e ri

legjendës për t’ia shtuar idhujt e bardhë

Kosovës mbijetimin me hukamë purpuri.

Jeta në to gumëzhinte dimër e verë

nga engjëjt krahshqiponjë vrullesh gufuar

për apsorbim diturish me shije nektari

prapa për të mos mbetur

me hapa kohësh për të ecur.

Në dhoma të vogla nevojash jetësore

mësimin e dëgjonin

ulur në dysheme,

pa banka shkollore

e në mungesë të tyre,

në prehër i hapnin librat

dhe shkruanin në fletore.

VITET E QËNDRESËS KRENARE
(Arsimtarëve të shkollës shqipe në Kosovë-1991-1999)

Tempujt e gjallë të vetënderuarë
të Kosovës së martirizuar
gati një dekadë të fundshekullit njëzet
udhëtuan këmbë pafajsisht
me kilometra në panumërim
herë në një lagje kodrinore
e herë në tjetrën në vërri
të Prishtinës me rreze dielli
dhe vendbanimeve të tjera
nëpër tërë Kosovën,
për të startuar me kohën.
Rrahur stuhish në radhitje stinësh
buzëqeshjet në këngë shpresash
i kompononin
për shpërfillje kohësh intriguese,
vullnetet me vrulle zemre i fuqizonin,
që zbehja e diturisë
të mos zë vend ndër breza
mbi dheun arbëror
me ngrohtësi dashurie.
Në ta shkëlqente ndjenja
e krenarisë sypishë
dhe vetëdijesimi rrënjësor i ndezur
për përlindje nga frymimi ynë i ngulfatur
hirësuar legjendash hyjnore,
me gjuhë pirgjesh të lashta
dhe me emër.
Kurrë nuk u dorëzuan
as kurrë nuk hezituan
edhe pse me vuajtje e skamje
e me torturimie të përditshme
ushtaro-policësh serbë
u ballafaquan.
Në kacafytje me terrin
lirinë e shenjtë kërkuan
dhe me peshën
e përgjegjësisë së palëkundur
e dhanë betimin
Kosovës për t’ia mbajtur
drejtëpeshimin.