Malvina Stafa - SHTEGTAR
Moderator 
SHTEGTAR
në rrugën e vështirë
ti s'ece ngadalë
të joshi ty bota
tinëzar.
në rrugët e padijes
ece zvarrë-zvarrë
poshtë urave fjete
si i marrë.
çdo ditë ti luftove
u paragjykove
u gjunjëzove
se plagë ke marrë.
kafshove ti veten
ngjite një shkallë
që t'mos u ktheje
si i çalë.
me shume stoli
je ti sot djalë
në sytë e nënës
mbete shtegtar.
e mbushur duket sofra
me fëmijë të mbarë
me jetesë të pasur
por në shpirt i vrarë.
