Mirsad Musliu - Një emër që nderon dijen, profesionin dhe vlerat e traditës shqiptare
Moderator MIRSAD MUSLIU – NJË EMËR QË NDERON DIJEN, PROFESIONIN DHE VLERAT E TRADITËS SHQIPTARE
Kur rrënjët janë të thella, vlerat nuk humbin as në largësi. Kur dija bashkohet me humanizmin, profesioni merr kuptim më të lartë.
Ka njerëz që me punën, karakterin dhe veprat e tyre nderojnë familjen, vendlindjen dhe kombin.
Njëri prej tyre është avokati shqiptar Mirsad Musliu, i cili jeton dhe ushtron profesionin në Vjenë të Austrisë.
Ai vjen nga Çegrani i Iliridës, në Maqedoninë e Veriut, nga një trevë shqiptare që ndër breza ka ruajtur gjuhën, identitetin dhe traditat e të parëve.
Mirsad Musliu rrjedh nga një familje shqiptare ku mikpritja, besa, bujaria, fjala e dhënë dhe respekti për njeriun janë vlera të trashëguara. Këto vlera i bart edhe në rrugëtimin e tij profesional dhe njerëzor.
Me dije, shkollim dhe përkushtim, ai ka ndërtuar emrin e vet në shoqërinë austriake, duke ushtruar profesionin e avokatit dhe duke u shërbyer qytetarëve.
Por vlera e tij nuk qëndron vetëm te profesioni. Shumë familje shqiptare kanë gjetur tek ai mbështetje juridike, ndërsa në raste të caktuara edhe ndihmë humanitare.
Diasporës shqiptare nuk i duhen vetëm njerëz të suksesshëm, por profesionistë që nuk i harrojnë rrënjët, bashkëkombësit dhe përgjegjësinë njerëzore.
Mirsad Musliu është shembull se si mund të arrish sukses në një shtet evropian, pa i harruar vlerat e vendlindjes dhe njerëzit e tu.
Çegrani mund të krenohet me bijtë e tij, Ilirida me traditën që ka ruajtur ndër breza, ndërsa komuniteti shqiptar në Vjenë me profesionistë që u qëndrojnë pranë bashkëkombësve.
Sepse rrënjët tregojnë prej nga vijmë, dija deri ku mund të arrijmë, ndërsa veprat tregojnë se çfarë njerëzish jemi.
Respekt për profesionistin, mirënjohje për humanistin dhe krenari për shqiptarin që ruan vlerat e të parëve!
Shoqata e Literaturës “Fan Noli” Stockerau-Austri:
Kryetari: Akad. Miftar Tërshnjaku
Sekretari Gjeneral: Akad. Setki Ibraimi
