Gabimi që nuk duhet të bëni kurrë në miqësi, (Përktheu Ismail Ismaili)
Moderator 
GABIMI QË NUK DUHET TË BËNI KURRË NË MIQËSI, SIPAS NJË EKSPERTI
Si të ruani një miqësi të shëndetshme dhe të qëndrueshme? Ky është gabimi që duhet të shmangni absolutisht, sipas një psikologu.
Ju dini gjithçka për miqësinë, përveç se vitet e fundit ju është dashur të përballeni me disa dështime në miqësitë tuaja . Disa prej miqësive tuaja kanë përfunduar pa i kuptuar arsyet, për të tjerat, rrugët e ndryshme të ndjekura ishin të dukshme dhe distanca i dha fund një marrëdhënieje, për shkak të rrethanave. Në thelb, ndërsa disa nga historitë tuaja të miqësisë janë të forta, të tjerat po shpërbëhen. Cilat janë shkaqet?
Boris Charpentier , psikolog dhe trajner, na thotë: " Miqësia është një ndjenjë dashurie reciproke midis dy njerëzve, marrëdhënia e të cilëve bazohet në vlera të përbashkëta si besimi".
SI TË NDËRTONI NJË MIQËSI TË FORTË?
Për të ndërtuar marrëdhënie të shëndetshme dhe të qëndrueshme , është e rëndësishme të kultivoni disa vlera të tilla si: mirësia, dhembshuria, respekti dhe qëndrueshmëria e marrëdhënieve, të cilat janë themeli i marrëdhënieve të forta.
Psikologia shton: “Gjithashtu, të qenit vetvetja dhe të qenit i sinqertë përforcon besimin që është baza e çdo marrëdhënieje miqësore. Komunikimi në mënyrë të kujdesshme dhe dëgjimi aktiv i të tjerëve nxit mirëkuptimin e ndërsjellë. Së fundi, ndërtimi i një miqësie përfshin angazhimin ndaj marrëdhënies. Kjo kërkon një investim në aspektin e kohës dhe në veçanti ndarjen e momenteve së bashku. Është në përvojën e përbashkët që lidhjet mund të forcohen rreth emocioneve pozitive që përjetojmë së bashku.” Pra, duke ditur të gjitha këto, si mund të përjetojmë ende ndarje miqësore?
GABIMI PËR TË MOS BËRË NË MIQËSI
Sipas ekspertit, ka një gabim që nuk duhet bërë kurrë në miqësi: mos vendosja e kufijve. Ai shpjegon: «Mund të shfaqet si mungesë sigurie ose për arsye të tjera... por mos vendosja e kufijve të shëndetshëm mund të krijojë çekuilibër dhe të minojë integritetin emocional.»
Prandaj ai sugjeron si zgjidhje “të pohohet pozitivisht për të shmangur ndjenjat e padrejtësisë dhe pakënaqësinë ndaj të tjerëve”. Ndjenjat që mund të dëmtojnë një miqësi. Vini re se këto këshilla vlejnë për të dy personat në lidhje. Mos harroni, miqësia nuk është njëkatëshe.
Siç do ta keni kuptuar, për një miqësi të sinqertë dhe të qëndrueshme, duhet të tregoni autenticitet dhe të dini se si të vendosni kufij në marrëdhënien tuaj. Varet nga ju!
A KANË MIQËSITË NJË DATË SKADIMI?
Miqësitë nuk zgjasin përgjithmonë. Një studim eksploron pse disa marrëdhënie zbehen me kalimin e kohës.
Miqësitë luajnë një rol jetësor në mirëqenien tonë, por ato evoluojnë, ashtu si ne. Ndërsa disa i qëndrojnë provës së kohës, të tjerët gradualisht zbehen.
Si e dini nëse një miqësi ka arritur "skadimin" e saj? Psikologia Suzanne Degges-White shikoi faktorët që ndikojnë në kohëzgjatjen dhe cilësinë e miqësive.
BAZAT E NJË MIQËSIE TË QËNDRUESHME
Miqësitë shpesh lindin nga pasionet ose projektet e përbashkëta, por kur interesat tona ndryshojnë, këto lidhje mund të dobësohen. Për shembull, pasioni për një sport mund të mos jetë më i mjaftueshëm nëse ai aktivitet zhduket.
Fazat e jetës, si studimet apo puna, nxisin miqësi, por kur rrugët tona ndahen, ruajtja e këtyre lidhjeve bëhet një sfidë.
PSE SHUHEN DISA MIQËSI
Afërsia lehtëson shkëmbimet. Lëvizja ose ndryshimi i jetës redukton mundësitë për të parë njëri-tjetrin dhe miqësitë mund të shkërmoqen.
Një marrëdhënie e bazuar në një ndjenjë keqardhjeje ose detyrimi shpesh bëhet e pakënaqshme. Një miqësi e shëndetshme bazohet në reciprocitet ku të gjithë mbështesin njëri-tjetrin, pa çekuilibër emocional.
A MUND TË RINDEZNI NJË MIQËSI TË VJETËR?
Rikthimi në kontakt mund të jetë i dobishëm. Dërgimi i një mesazhi ose rikujtimi mund të ri ndez një marrëdhënie. Megjithatë, edhe personi tjetër duhet të jetë i gatshëm të bëjë një hap.
Edhe nëse përpjekja dështon, ajo mund të sigurojë mbyllje emocionale dhe të nënvizojë rëndësinë e asaj miqësie të kaluar.
Përktheu Ismail Ismaili
