Ymrije Beqiri - ME HESHTJEN BISEDOVA
Moderator 
ME HESHTJEN BISEDOVA
Me heshtjen bisedova
I thashë të tregojë
Se kur s'e pranova
Mos vallë po gaboj!
N'heshtje vazhdoi heshtja
S'foli asnjë fjalë
Por një letër t'bardhë
Më vuri përballë
Të mençura fjalë lexova:
Hesht kur s'ke gjë për t’thënë
Fol vetëm kur duhet
Atëherë fjalët vend zënë
Fol aty ku ka vesh
Dhe mendje të kulluar
Ndryshe fjala pa peshë
Ka për t'përfunduar...
