Poezi nga Jahe Fida (Përgatiti dhe redaktoi Angela Kosta)
Moderator 
MALLI MË KA MARRË
Më ka marrë malli
Për fyell e çoban
Këngës t'ia marri
Këngës me taban!
Malli më ka marrë
Për dele e shqerra
Lëndinat me bar
Ku të çel pranvera.
Malli më ka marrë
Dhe për qen stani
Trimave t'pa parë
S'u dëgjohet zani
Malli më ka marrë
Për pemët viganë
Tashmë prerë mbarë
Toka mbet virane.
S'ka më bar
Qingja edhe shqerra
Stanet krejt mërzi
E vakët pranvera.
S'më bëhet të shkoj
Në bjeshkë të rri
Barbarë shikoj
Të zhdukin bimësi.
Malli më ka marrë
Nuk di ku t'i gjej
Këngës t'ia marrë
Atje n'bjeshkë ndej!
Redaktoi Angela Kosta
