Panajot Boli - poezi
Moderator 
PRAG PRANVERE ISH, KOSOVË
17 SHKURT-PAVARËSIA E KOSOVËS-
Bjeshkët e tu Kosovë
Pranverën moren prej dore
Dhe ta sollen në prag atë mengjes
Me bukurinë e agut
Supeve i hodhen
Xhamadanin e përzhitur me barut
Me fllade lirie në buzë
Që putheshin me endrrën
Mbi kaçurrelat e tu të gjakosura
Një kurorë të artë nuserie të vunë
Me lule të shtrenjta lirie
Të nuseroje me të bardha
Prag pranvere ishte..
Emblemën e sillnin dallendyshet
Në altarin e historisë
Ty,martoheshe me lirinë
Prag pranvere ish Kosovë
Dhe ti puthje historinë
