Fatmir Gjata - Poezi
Moderator 
ISMAIL
U zgjua shpejt sonte Tirana,
pa fjetur ish Dajti përbri
Diku në hije fluturonte,
një lajm për kob edhe për zi.
Ca lajmëtarë u nisën shpejt,
me pelerinë sikur qëmot
Nuk është më shpirt i këtij kombi,
duket sikur mbeti pa zot.
Në gurrat flitet pëshpërimë,
ndoshta shqiponjë rri e menduar
Edhe shkëputet prej flamurit,
niset me krahë të dridhëruar.
Në gjitha rrugët plot me pluhur,
nëpër ca shtigje e nëpër re
Ku frymë e tij ish ngurtësuar,
ku trup i lodhur mbase fle.
Dhe qiell i verës bëhet fletë,
diku ka nisur të bjerë shi
Kështu fillojnë nëpër legjendë,
kur vdes e ngjallesh përsëri.
