Dhimitër Nica - TË GJITHA LULET KANË EMRIN TËND (poezi)
Moderator 
TË GJITHA LULET KANË EMRIN TËND
Sonte edhe hëna ndriçon kuturu
e lulet hedhin valle nga magjia bionde,
deti paska vjedhur sytë e tu blu
e dielli flokët e artë me onde.
Sonte çdo gjë e bukur të ngjan veç ty
dhe unë çdo lule thërras me emrin tënd,
i përkëdhel dhe i puth në buzë e në sy
e morni-kokrrizohem vend e pa vend...
Nuk kisha më parë këto ndjesi,
më parë s'kuptoja çdo të thoshte poet,
që kur hyre në botën time ti,
unë puth vetëm lule e ngopem në jetë!
