Abdul-Aziz Jassim – Poezi (shqipëroi Irma Kurti)
Moderator 
TAKIMI
Ajo që më shoqëroi dje
në thirrjen e parë, pas disa vitesh mungesë
më përqafoi përpara rojeve ngrohtësisht
më pas tërhoqi gishtat dhe vrapoi.
Unë e ndoqa me sy ndërsa lidhte flokët e shkurtër,
nga një urë e lartë u hodh ajo pastaj
jeta ime u shpërbë pas saj
si loti i një kapiteni
dëshmitar i zhdukjes së anijes së vet
që nuk bën asgjë
thjesht fikson këmbët e tij të prera.
Abdul-Aziz Jassim – Emiratet e Bashkuara Arabe
From “La lezom le” 1995
From “La lezom le” 1995
Përktheu nga anglishtja: IRMA KURTI
