Valbona Kolaveri - TETORI I VRUGËT I DATËS 8
Moderator 
TETORI I VRUGËT I DATËS 8
Të gjitha zjarret
i dogja
Me të kuq i lyeva
qiejt e shpirtit flakë
Tetorit të vrugēt
datës 8 nē kalendar
Që lagte muret e zemrës
me piklima dashurie
të ngjizura
me heshtjen e syve
Që rrotullonin epshe
mbarë e mbrapshtë
Në shikime rrufeshë
që shkreptinin gacë
E thërrmoheshin ngadalë
viteve
Ku hiri i mbetur me kujtime
të kthehet në bumerang
Me shaminë e lotëve
hedhur lumit
këmbyer nusesh
Fatesh të vulosura
qiejsh
që nuk flenë
aspak
