Miftar Tërshnjaku - poezi
Moderator 
RITMI I ZEMRËS
Si ritmi i zemrës
Do rrah çiftelia
Prap kur do bashkohet
N’flamur Shqipnia.
T’gjithë me krah hapurë
N’veshje kuq e zi.
Si një komb i bashkuem
Do shpallim pavarësinë.
Do t’i bashkojmë trojet
Sarandë e Guci
Shkodër e Opojë
Tetovë dhe Malësi.
N’vallen e bashkimit
Me kangë të trimnisë
Do na prinë Drenica
Zemra shqiptarisë.
Tash na erdhi dita
E lumja Arbri
Krejt trojet e lashta
Të quhen Shqipni.
