Ildije Xhemali - KUR SHKRUHET PËR NËNËN

Moderator Moderator
Gusht 20, 2022 - 21:31 Përditësuar: Gusht 20, 2022 - 23:06
Ildije Xhemali - KUR SHKRUHET PËR NËNËN
KUR SHKRUHET PËR NËNËN
Kur nisin vargjet
të çukitin shpirtin
si zogu lëvozhgën e vezës
një dritë e mbulon
të gjithë njerinë
I qeshin sytë,
nuk gjen qetësi
si vajzës
kur, të parën herë
i propozojnë
për dashuri.
Por, kur vargjet
shkruhen për NËNËN,
Dielli shton ndriçimin
Hëna fal bukurinë
Toka ndal rrotullimin
lulet falin hijeshinë.
Perënditë
në front ulin Njerinë.