Hysen Grajçevci - GJEOGRAFISË SHQIPTARE
Moderator 
GJEOGRAFISË SHQIPTARE
A thua kam arsy të krenohem !?
Jo, nuk kam!
Atëherë, pse krekosem?
Nëse vështrimin,
jo edhe hapin
hedh andej nga veriu,
shoh trojet e mia mbetur shkret
si t’u kishte rënë murtaja,
mbi të cilat sot kalërojnë
çakej e korba!
E unë, mbaj kokën lartë
si fodull lirie
për ato që i pata,
për ato që i humba!
Po të nisem nga jugu
Ku të ndaloj!?
Sikur ende dëgjoj dhimbjen
gjëmën, vajin e nënave!
Edhe këtu trojet e mia vajtojnë!
Trojet e mia që i kafshoi
e po i kafshon Lubia!
Në lindje,
aty, ku frymojnë zogjtë e shqipes
ndalohem në truallin tim,
nga zogj bufi me
zë e gjuhë sorre
fermentuar me glasa marifeti!
Eu djepi i gjuhës sime,
foleja ku lëshoi rrënjë alfabeti!
Perëndimin prek vala,
Vala e detit tim prek
brigjet e mia të djersitura,
po asesi t'i zgjoj nga amullia!
Atëherë pse të krekosem!?
