Bedrije Hamiti, piktore (Përgatiti Idriz Berisha XHIXHI)
Moderator 
Piktore Bedrije Haxhiu-Hamiti u lind më 1978 në Koretin të Kamenicës. Shkollën fillore dhe të mesme e mbaroj në vendlindje si dhe atë të Policisë në Vushtrri.
Nga viti 2004 jeton dhe vepron në Curih-CH.
Që nga fëmijëria kishte pasion e dashuri për artin e pikturës por nuk ju dha mundësia derisa u punësua në MUZEUM RIET BERG nga ku rimori serish inspirimin për të filluar pikturën. Kështu, nga viti 2011, filloj t'a materjalizojë idenë dhe dëshirën e fortë për tu bërë krijuese e artit.
Kreu një kurs pikture për tu njohur me mënyrat, teknikat dhe teknologjinë e ngjyrës në Migros Schule-Curih. Shpejt u vu në kontakt me krijues e asociacione të artit në Zvicër e duke krijuar miqësi ajo dhe arti saj po pranohej si vlerë dhe po formësohej si krijuese me identitet e stil të veçantë pikture.
Është anëtare e bordit të Shoqatës ART PLISI në Zvicër që e udhëheqin piktorët e njohur Dussi Sadrija e tjerë piktor që veprojnë në Zvicër e që bashkëpunojnë edhe me piktor nga Zvicra, Kosova e Shqipëria.
Piktore Bedrija, pos si pasiononte ajo tashme po hyn në grupin e krijuesëve me një botë të vetën e të veçantë. Tashmë ka krijuar fond të pikturave dhe aktivisht merr pjesë në Ekspozita kolektive në Zvicër, Kosovë e shtete tjera.
Ekspozoj:
AG Zollikon-Curih (2024),
-GA Gjilan, “Muaj rozë" në Gjilan, Ferizaj, Viti
-GA Kemptnevtobel-Wetzikon-Curih në.ARTPLISI (2024),
-GA Gjilan në “Peneli i Flakës"(2025)
-Rest “Il Pestino"-Curih (Ekspozitë bamirësie në Ditën ndërkombëtare kundër kancerit)
Në artet pamore moderne, piktura ka një mundësi me tepër sepse mjeshtrija e shprehjes bëhet më ngjyrë e ngjyra krijon universin e koloritit pa fund. Kështu edhe të piktura e Bedrijes, flet gjuha e pasur me gamë ngjyrash harmonike që të shikuesi krijon kënaqësi vizuale e shpirtërore e jo tronditje e shqetësim . Marrëdhënia e perceptimit përballë pikturave të saj bëhet e ngrohtë, plot gëzim e besim në botën e ARTIT. Motivet, pos atyre abstrakte, na vijnë si pjesë e kujtimeve femjërore e imazhe atdheu të ruajtura në ndërdije por të transformuar në stil të veçantë e realizim modern. Piktura e saj ka aromë vendlindje por si koncept i lirë, ashtu siç ia dikton shpirti prej artisteje. Arti për te është gjuhë shpirtërore e shprehjes me hise në univers, e konvertuar në art si dromca kujtimesh, si ecje në heshtje, si riciklim i formave të shndërruar në art modern. Bedrije Hamiti, po hyn vrullshem në zhvillimin e artit tonë në mergatë si krijuese me vlera të veçanta artistike që po ngritë e ruan imazhin e mirë të krijuesit shqiptar në botë.
