Buron Kaceli, "Mjeshtëri i Madh" (Përgatiti Angela Kosta)
Moderator 
BURON KACELI - TIRANË
"Mjeshtëri i Madh" Buron Kaceli lindi në Tiranë më 25 maj të vitit 1948.
Buron ka mbaruar Liceun Artistik dhe është diplomuar në Akademinë e Arteve.
Ka marrë pjesë në shumë ekspozita kombëtare dhe ndërkombëtare dhe ka realizuar 12 ekspozita personale në Shqipëri, si dhe një ekspozitë në qytetin Dhrama në Greqi.
Veprat e tij janë ekspozuar në: Beograd, në Paris dhe në Milano në kuadër të ekspozitave shtetërore të artit shqiptar.
Buron, është akorduar nga kritika italiane me "Çmimin e Kritikës" në një ekspozitë të përbashkët të piktorëve italianë dhe shqiptarë dhe është vlerësuar me një çmim të parë në Kosovë, në qytetin e Gjilanit.
Buron ka punuar në disa detyra të rëndësishme në administratën shtetërore dhe së fundmi si nëndrejtor i Galerisë Kombëtare të Arteve.
Ne Galerinë Kombëtare ruhen dhjetë vepra të tij.
Buron Kaceli vazhdon ende krijimtarinë e tij të larmishme artistike.
Përgatiti Angela Kosta Akademike, Drejtore e revistës fizike MIRIADE, gazetare shkrimtare, poete, eseiste, redaktore, kritike letrare, botuese, promovuese
