Rubjana Nika - Poezi
Moderator 
LULE TË NJË STINE
Të gjithë jemi të veçantë,
të gjithë kemi diçka ndryshe,
jemi lule të një stine,
për pranverën dallëndyshe
Harabela stinës së ngrohtë,
borë e bardhë dimërore,
mbi lule pikat e vesës,
në mëngjeset pranverore.
Gjethe vjeshte ngjyrashumë,
jetën,natyrën hijeshojmë,
flutura përmbi lule vere,
pjalmin e jetës shijojmë.
Mes jush jetojmë të lumtur,
sadopak ngjyrosim jetën,
ndihemi mirë,ndihemi ngrohtë,
shkolla na mëson të drejtën.
VALLËZIM NË FLETË
(për fëmijët e veçantë)
Ylberë plot ngjyra,
para syve tuaj,
vallëzojnë shkronjat
si në një magji,
fluturojnë numrat,
nëpër qiell ëndrrash,
vallë kush i mori,
vallë ku janë tani?!
Ngatërrohen shkronjat,
kuptim ndryshon fjala,
dhe numrat zhvendosen,
luajnë nëpër kuti,
fleta e vizatimit,
me vija e ngjyra,
diçka do të thotë,
një fjalë a fjali.
