Dafjola Nepravishta - Poe\i (Redaktoi dhe përgatiti Angela Kosta)
Moderator 
DAFJOLA NEPRAVISHTA
Dafjola Nepravishta ka lindur në vitin1982 në qytetin e Beratit. Aktualisht është mësuese e gjuhës shqipe. Dafjola ka botuar poezi në gazetën “Nacional", " Telegraf" si dhe ka botuar në shumë revista online si: "Mesdheu", "Gazeta letrare", "Pena e artë". Gjithashtu Dafjola ka botuar shkrim në antologjinë: "Nuk mund të harroj" mundësuar nga Albas.
LËRI TË TJERËT
Lëri të tjerët të mendojnë
Arratise shpirtin diku...
Bëhu zgavër e një bliri
Strehohem nëse shiu më zë
Lëri të tjerët të qajnë
Mbase kanë vërtetë nevojë
Ti mos qaj...
Lotin tënd nuk e mbajnë duart
Rëndon më shumë se pesha ime.
Lëri të tjerët të qeshin
Tënden buzëqeshje ma fal mua
E dua...
E bëj verore pranvere
Lidhur në pemën tonë të dashurisë.
MURE
Ju e dini...
I urrej muret
Lartimet me gur
Më rrëmbejnë frymën.
Ju përditë,
Ngrini mure
Daltoni...
Pa frikë...
Pa shpirt...
Daltoni ëndrra në gure
Pikturoni frikëra në mure.
I urrej gravurat tuaja.
Ju nuk e dini...
Ngritët gur mbi gur,
Pritat tuaja
Më bën edhe më burrë.
MARS
Çelën bajamet...
Si te pafajshmet vajza
Dashuruar para stine,
Puthin rrezet e para
Hidhen ne krahët e erës.
Shpërthejnë zemrat e tyre
Pasione të bardha.
Lotët e Marsit
Shtigjeve u vuri pritë,
Ua rrëmbeu dashurinë
Pres te lulëzojnë në një tjetër stinë.
Përgatiti dhe redaktoi Angela Kosta
