Rrustem Hyseni - KËNGË NATE
Moderator 
KËNGË NATE
Koha zi pështyn
Mbi t’palarat tona
Erë mallkimi kundërmon
Zogjtë të trembur
Ikin kah perëndimi
Përtej qiellit tim
Sytë u verbohen
Për një copë diell
Shtigje të reja kërkojnë
Çerdhet e braktisura
I lag shiu i dhembjes
Në pritje të këngës
Thurin melankolinë
Nëpër degë të kujtimit
E unë bëhem korb i bardhë
Duke ëndërruar
Kthimin e zogjve
Në rrënjët e veta arbëror
