Meri Bo - PO TË PRES
Moderator 
PO TË PRES
Po të pres, përtej çdo pritje
Si vala në bregun e heshtur
Si gjethja e tharë, pikat e shiut të parë.
Po të pres, përtej çdo pritje
si rrezja e diellit, nëpër kubet e natës
Si parfumi yt në ishullin e përqafimit.
Llava e puthjeve tona
është gati të shpërthejë
edhe përroi i mallit tashmë
ka nisur të gurgullojë jashtë nesh.
Po të pres, përtej çdo pritje
Epshi mbi buzë
ka nisur ti djegë që tani, buzët e mia.
Po të pres
hapat e minutave
janë bërë më kumbues.!
