Fatmir Kelmendi (Biografi dhe poezi)
Moderator 
FATMIR KELMENDI
Fatmir Kelmendi lindi me 20.04.1966 në Fshatin Balincë të Malishevës. Shkollën fillore e kreu në Kijevë. Dy vite të shkollës së mesme i kreu në Gjimnazin "Luigj Gurakuqi" në Kijevë,ndërsa dy vite tjera në Gjimnazin "Gjin Gazulli" në Prishtinë. Ka studiuar në FIEK në Universitetin "Hasan Prishtina" në Prishtinë në Drejtimin e Telekomunikacionit të cilin e përfundoj me sukses. Në vitin 2002 në Indiana Universitytë SHBA-ve përfundoj me sukses kursin intenziv të gjuhës angleze si gjuhë e dytë. Ishte Shef i Ndërlidhjes në Brigadën 122 "Ymer Krasniqi" të Ushtrisë Çlirimtare të Kosovës. Pas lufte Punoj në Qendren Simulative të Trupave Mbrojtëse të Kosovës si Asistent i trajnimeve dhe si ekspert i IT..Në vitin 2023 mori rrugën e mërgimit. Tani jeton dhe punon në Lörrach të Gjermanisë. Në revisten "Suksesi ka publikuar punime si: "Shkolla për HTML", "Kursi për Dreamweaver", "Si filloj e tëra" shkrim për Kompjuterët personal etj.
ALI KRASNIQI - RAPSODI I KOMBIT
Në mal e fushë jehonte zëri,
si lahutë e lashtë, si zë i bilbilit.
Me fjalë të arta, me këngë heroike,
ndriti emri i tij në troje etnike.
Në sofrën e kombit ndezi zjarr,
me varg e melodi si shqiponja në ajr’.
Rapsodi i zemrës, bilbili i kohës,
me këngën e tij i dha jetë epokës.
Këndoi për trimat, për gjakun e derdhur,
për nënat që lotin kurrë s’e fshehën.
Me sharkin e tij shkroi histori,
mbolli në zemra atdhedashuri.
Ali Krasniqi, zë i kulluar,
si valë e Drinit, i shenjtëruar.
Emri yt do të mbetet përjetë,
në çdo këngë, në çdo gazmend!
BILBILI I KËNGËS-NEXHMIJE PAGARUSHA
Në malet e larta, në fusha me diell,
Një zë kumbonte, i pastër si qiell.
Bilbili i këngës, me shpirtin e lirë,
Muzikën na la, si kujtimin më të mirë.
O zë i kristaltë, o frymë e lirisë,
Ti mbushe me dritë zemrat e Shqiptarisë.
Me "Baresha"-n tënde, si valë jehon,
Në çdo zemër shqiptare përgjithmonë.
Në skena madhështore, në koncerte,
Ti këndove me shpirt, si një bilbil.
Në nota që rridhnin si ujë i kulluar,
Një komb të tërë me dashuri ke mbuluar.
Sot qielli të thërret, me këngë e muzikë,
Por zëri yt jeton, në kohë të pafundme.
Si erë mbi malet, si valë në det,
Bilbil i Kosovës, je kënga që s’vdes!
