Nëntori kuqezi (Përgatiti Angela Kosta)
Moderator 
NËNTORI YNË KUQ E ZI
Me rastin e 22 Nëntorit, Ditës Kombëtare të Alfabetit të Gjuhës Shqipe dhe Festës së Flamurit, mësuesja Albana Rrushi me kolegë të tjerë të saj, përgatitën në ambientet e shkollës 9 - vjeçare “Demir Godelli“ Peqin paraqitjen e një montazhi letrar - muzikor. Nxënësit i recituan: nënës, atdheut, tokës, lirisë dhe gjakut të derdhur për këto shkronja të vyera, për alfabetin tonë të shtrenjtë. Me pasion ata referuan edhe rreth historisë së kësaj dite të shënuar, patriotëve që gdhendën këto shkronja të cilat janë flori e kaluar floririt, siç do të thoshte edhe patrioti i shquar Konstantin Kristoforidhi. Muaji nëntor, është më i rëndësishmi për shqiptarët, të cilët e kanë veshur të gjithë vendin Kuq e Zi ashtu sikurse edhe në Diasporë.
Përgatiti: Angela Kosta Drejtore Ekzekutive e revistës fizike MIRIADE, gazetare shkrimtare, poete, eseiste, redaktore, kritike letrare, botuese, promovuese
